អាសាហាកម្ពុជា (យោគៈភ្នំពេញ) បានក្លាយជាសាខាមួយរបស់​ជីវ៉ាមុគទី យោគៈ (Jivamukti Yoga) ជា​ផ្លូវ​ការ​

ពួកយើង​មាន​ដំណឹងដ៏ល្អមួួយមករំលែកអ្នកទាំងអស់គ្នា។ គិត​ត្រឹម​ថ្ងៃ​ទី ១ ខែ​មេសា ឆ្នាំ២០២២ នេះ អាសាហាកម្ពុជាបានក្លាយជាសាខាមួយរបស់ ​ជីវ៉ាមុគទី យោគៈ ជា​ផ្លូវ​ការ។ ​ជីវ៉ាមុគទី យោគៈ គឺជា​វិធីសាស្ត្រ​ និង​សាលា​មួយដែលមានការទទួលស្គាល់ពីសំណាក់អ្នកអនុវត្តយោគៈជាច្រើន​អំឡុងពេល 38 ឆ្នាំ​ចុង​ក្រោយ​នេះ។​ ហើយឥឡូវនេះស្ទូឌីយ៉ូរបសយើង ដែលមានទីតាំងនៅរាជធានីភ្នំពេញ មានគ្រូ (ជីវ៉ាមុគទី)​ Jivamukti ជាជនជាតិខ្មែរចំនួន 8 នាក់ ដែលកំពុងតែបង្រៀននៅទីនេះផ្ទាល់។

តើ ​ជីវ៉ាមុគទី យោគៈ គឺជាអ្វី?
​ជីវ៉ាមុគទី យោគៈ គឺជាមាគ៌ាឆ្ពោះទៅរកការរួចរំដោះតាមរយៈការផ្សាយសេចក្តីមេត្តាចំពោះសព្វសត្វទាំងអស់។ វិធីសាស្រ្តរបស់ ​ជីវ៉ាមុគទី យោគៈ គឺជារចនាប័ទ្មកម្មសិទ្ធិនៃយោគៈដែលបង្កើតឡើងដោយ David Life និង Sharon Gannon ក្នុងឆ្នាំ ១៩៨៤។

---

​វាគឺជាការអនុវត្តខាងផ្លូវកាយ សីលធម៌ និង ដួងព្រលឹង ដោយរួមបញ្ចូលគ្នាជាមួយយោគៈ បំលែជាលំហាត់ប្រាណ កាយសម្បទា ដែលមានមូលដ្ឋានផ្តោតលើវីយ៉ាសា ដោយប្រកាន់ខ្ជាប់នូវគោលការណ៍ចំនួនប្រាំគឺៈ សាស្រ្តា (គម្ពីរ) បាកទី (ការបូជា) អហ៊ីមសា (អហិង្សា និង ការមិនបៀតបៀន) ណាដា ( តន្ត្រី) និង ដ្យាណា (សមាធិ) ។ ជីវ៉ាមុគទី យោគៈ ផ្តោតសំខាន់យ៉ាងខ្លាំងផងដែលទៅលើសិទ្ធិរបស់សត្វ ការបរិភោគអាហារបួស បរិស្ថាននិយម និងសកម្មភាពសង្គម។

ពួកយើងសូមអរគុណយ៉ាងជ្រាជ្រៅដែលអ្នកទាំងអស់គ្នាបានគាំទ្រ អាសាហាកម្ពុជា។ យើងសូមសម្ដែងនូវសេចក្ដីសោមន្សរីករាយ ក្នុងការស្វាគមន៍អ្នកទាំងអស់គ្នា ដើម្បីជំរុញបុព្វហេតុវប្បធម៌សន្តិភាពរបស់យើង ហើយយើងនឹង បន្តរផ្ដល់សេវាកម្មជូនអ្នកនិង សហគមន៍របស់យើង។ ប្រសិនបើអ្នកមានសំណួរបន្ថែមអំពីយោគៈ សូមទាក់ទងមកយើងខ្ញុំតាមរយៈ info.cambodia@azaharfoundation.org ឬ ទូរស័ព្ទមកកាន់លេខ (+855) 77 541 975/ 96 800 5976។ ពួកយើងរីករាយក្នុងការជួយសម្រមសម្រួលរាល់តម្រូវការរបស់អ្នក។ ជា​ថ្មី​ម្តង​ទៀត សូម​អរគុណ​ចំពោះ​ការ​ជឿ​ទុក​ចិត្ត​របស់អ្នកទាំងអស់គ្នា។

ផ្ញើរជូននូវសេចក្ដីស្រឡាញ់​រាប់អាន,
ពីក្រុម អាសាហាកម្ពុជា